Երկիր Մեդիայի <<Երկրի Հարցը>> հաղորդում: Հյուրեր` Մարիա Թիթիզյան և Քրիստոֆ Զոփել: Հունիս 11,2012

Ինչպես և սպասվում էր, 2012 թ.-ի հունիսի 11-ին Հրայր Մարուխյան Հիմնադրամը Ֆրիդրիխ Էբբերտ Հիմնադրամի աջակցությամբ հանրությանը ներկայացրեց “Տնտեսությունը և սոցիալ-դեմոկրատիան” ընթերցագիրք 2-ի թարգմանությունը, ինչի առիթով Գերմանիայից Հայաստան էր ժամանել տնտեսագետ, պրոֆեսոր Քրիստոֆ Զոփելը: Ձեր ուշադրությանն ենք ներկայացնում ՀՄՀ-ի տնօրեն` Մարիա Թիթիզյանի և Քրիստոֆ Զոփելի հարցազրույցը “Երկրի հարցը” հաղորդաշարում:

ՀՄՀ-ի տնօրենի հետ հարցազրույց

ՀՄՀ-ի տնօրեն Մարիա Թիթիզյանը հարց ու պատասխան-ի է նստել ՀՅԴ Շանթ ուսանողական միության ներկայացուցիչ Վաչէ Թովմասյանի հետ: Լսեք, թե ինչպես է նա քննարկում Հայաստանում ստեղծվող և իրականացվող քաղաքական որոշումների մարտահրավերները և ակտիվ քաղաքացիական հասարակության կարևորությունը:

 

 

ՀՄՀ-ի տնօրեն Մարիա Թիթիզյանի հետ քննարկում

Այս հարցազրույցում  «Civilitas»-ի տնօրեն Սալպի Ղազարյանը, Ալեն Ամիրխանյանը և ՀՄՀ-ի տնօրեն Մարիա Թիթիզյանը քննարկում են վերջերս Հայաստանում տեղի ունեցած բնապահպանական ակտիվության ալիքը` մասնավորապես  Մաշտոցի պուրակում իրականացվող ապօրինի շինարարության վերաբերյալ իրարանցումը: 

Լսեք Հայաստանում այդ փոքր շարժման զարգացման հաջողությունների և թերությունների հետ կապված  նրանց կարծիքները:

 

Վեց մասից բաղկացած հաղորդաշարեր` <<Կանայք Հայաստանում>> թեմայով

Հրայր Մարուխյան Հիմնադրամը Նորվեգիայի Արտաքին Գործերի նախարարության ֆինանսական
աջակցությամբ պատրաստեց վեց մասից բաղկացած փոքր հաղորդաշարեր <<Կանայք Հայաստանում>>
վերնագրով, որն իրականացավ <<Երկիր Մեդիա>> հեռուստաընկերության հետ համագործակցությամբ:
Հաղորդաշարերը լուսաբանում էին հասարակության զարգացման գործընթացում կանանց` անձնական և
հասարակական կյանքում կրած դժվարությունները: Հաջորդիվ դուք կարող եք ծանոթանալ յուրաքանչյուր
հաղորդաշարի համառոտ լուսաբանմանը, ինչպես նաև դիտել տեսանյութեր առցանց: Այս վավերագրական
նյութի միջոցով ՀՄՀ-ը ներկայացրեց մեր ազգի մի քանի անկոտրուն և ազդեցիկ կանանց, ովքեր, անտեսելով
խոչընդոտները, նոր ճանապարհ հարթեցին ապագա սերունդների համար:

Այս դրվագում երիտասարդ քաղաքական առաջնորդներ Նոնա Օթարյանը, Անահիտ Հարությունյանը,
Մարգարիտա Հակոբյանը և Մարտա Սիմոնյանը լուսաբանում են քաղաքական ոլորտում կանանց ակտիվության
անհրաժեշտությունը: Չորս տարբեր քաղաքական կուսակցություններ ներկայացնող մասնակիցները քննարկում են
ակտիվություն ցուցաբերելու իրենց դրդապատճառները, ինչպես նաև դեմոկրատիայի և սոցիալիզմի
սկզբունքներից ելնելով քաղաքական ոլորտում կանանց մասնակցության պատճառները:

Լեռնային Ղարաբաղի ազատագրական շարժման մեջ կանանց ներգրավումը հաճախ անտեսվում է: Այս
դրվագը լուսաբանում է այն հանգամանքները, թե ինչպես էին զինված սպառազինության ընթացքում կանայք
հաղթահարում տեղափոխության և ընտանիքի կորստի հոգեբանական ազդեցությունը: Այս հատվածում նաև
ներկայացվում է ազատագրական պայքարի հաջողության մեջ կանանց ուղղակի մասնակցությունը:

Խորհրդականները և քաղաքական ակտիվիստները կլոր սեղանի շուրջ քննարկման ընթացքում
դիտարկեցին կանանց նկատմամբ բռնությունը: Այս դրվագում ներկայացվեցին այն բոլոր
կազմակերպությունները և ծրագրերը, որոնք իրավական, տնտեսական և հոգեբանական աջակցություն են
ցուցաբերում ընտանեկան բռնության զոհերին: Մասնակիցները նշեցին օրենքի գերակայության և հանրային
մտածողության կարևորությունը կանանց նկատմամբ իրականացվող բռնության հարցում:

Ներկայումս կանանց վերարտադրողական առողջությունը նույնպես մտահոգիչ հանգամանք է
Հայաստանում: Այս հատվածում առողջապահության փորձագետներ Կարինե Սարիբեկյանը, Սևադա Հակոբյանը,
Անուշ Պողոսյանը և Նելլի Ավագյանը նշում են անպտղության, հղիության ընդհատման վիճակագրական
տվյալների աճի, ինչպես նաև կանխարգելիչ խնամքի բազմաթիվ պատճառները:

Փորձագետներ Կարինե Գույումջյանը, Ալինա Պողոսյանը, Արման Մելքոնյանը և Վարդան Գևորգյանը
քննարկում են կանանց կյանքում մասսայական միգրացիայի ազդեցությունը: Տղամարդիկ մեկնում են երկարատև
աշխատանքի` կանանց թողնելով ընտանիքը միայնակ ապահովելու հոգսը: Ուշադրության են արժանացվում նաև
հասարակության մեջ կանանց դերերի և պարտականությունների փոփոխությունները: Ամուսինների
բացակայության պատճառով կանայք շարունակում են կատարել իրենց ընտանեկան պարտականությունները,
ինչպես նաև այնպիսի հանձնարարություններ, որոնք ավանդաբար իրականացվում են տղամարդկանց կողմից:

Այս դրվագը ներկայացնում է բիզնես վարող և ընտանիքը ֆինանսապես ապահովող հայ հաջողակ
կանանց` նպատակ ունենալով վերացնել մեր ավանդական նահապետական հասարակության մեջ առկա
կարծրատիպերը: Կին ձեռներեցները և կառավարիչները կլոր սեղանի շուրջ քննարկեցին, թե ինչպես են նրանք
դարձել տնտեսական ոլորտի իրավահավասար ներկայացուցիչներ:

Երկիր Մեդիայի «Երկրի Հարցը» հաղորդում – Հյուրեր` Մարիա Թիթիզյան եւ Արա Նռանյան, Նոյեմբեր 8, 2011 թ.

Ստորեւ ներկայացված է Երկիր Մեդիայի «Երկրի Հարցը» հաղորդումը, որին մասնակցում են Հրայր Մարուխյան Հիմնադրամի տնօրեն Մարիա Թիթիզյանը եւ ՀՀ ԱԺ ՀՅԴ խմբակցության անդամ Արա Նռանյանը: Քննարկվող թեման է` «Սոցիալական բարեփոխումները Հայաստանում» ուսումնասիրությունը, որը հրատարակվել է Հրայր Մարուխյան Հիմնադրամի կողմից եւ ուղղված է Հայաստանում առողջապահության, սոցիալական բնակարանների եւ զբաղվածության խնդիրների վերլուծությանը:

Սոցիալ-դեմոկրատիային նվիրված սեմինար, Հոկտեմբեր 29-30 – Երկիր Մեդիայի լուսաբանումը

Դիտե’ք Հրայր Մարուխյան Հիմնադրամի կողմից Անի Պլազա հյուրանոցում հոկտեմբերի 29-30 կազմակերպած սոցիալ-դեմոկրատիային նվիրված սեմինարի Երկիր Մեդիայի լուսաբանումը: