ՀՄՀ-ն հրապարակել է վերլուծությունների շարքի առաջինը

«Հրայր Մարուխեան» հիմնադրամը հրապարակել է ՀՅԴ Բյուրոյի տնտեսական հետազոտությունների գրասենյակի վերլուծությունների շարքի առաջինը՝ «Կարագի գնի բարձրացման պատճառները։ Մենաշնորհների դեմ պայքարի մեխանիզմները»։

Վերլուծությունն առաջին անգամ հանրության ուշադրությանը հանձնվեց 2017թ. դեկտեմբերին։ «ՀՅԴ Բյուրոյի տնտեսական հետազոտությունների գրասենյակի ուսումնասիրությունների համաձայն՝ կարագի գնի բարձրացման վրա ազդել են մի շարք արտաքին և ներքին գործոններ, որոնք բացատրվում են միզազգային միտումներով և մեր տնտեսության մրցակցային իրավիճակի առանձնահատկություններով»:

ՀՅԴ Բյուրոյի տնտեսական հետազոտությունների գրասենյակը եզրակացնում է.

Մեր տնտեսության զարգացման և սոցիալական արդարության հաստատման համար օրակարգային է

  • մենաշնորհների գործունեությունը «խոշորացույցի» տակ պահելը,
  • նոր տնտեսավարող սուբյեկտների պաշտպանելը և խրախուսելը,
  • ժամանակակից հակամենաշնորհային քաղաքականության մշակումը և հասցեական կիրառուը,
  • հանրային վստահության բարձրացումը,
  • ազգային եկամտի արդարացի վերաբաշխելը:

Այսպիսով, ապրանքների գները կարող են օբյեկտիվորեն բարձրանալ, սակայն տնտեսական քաղաքականությունը պետք է նպաստի գների բարձրացման կանխմանը և մեղմացմանը, իսկ սոցիալական քաղաքականությունը պետք է ուղղված լինի նվազագույն կենսաապահովման
պայմանների պահպանմանը և բարելավմանը:

«Հրայր Մարուխեան» հիմնադրամը աջակցում է ՀՅԴ Բյուրոյի տնտեսական հետազոտությունների գրասենյակի վերլուծությունների տարածմանը։

Ներբեռնել վերլուծությունը (PDF)

“Մենաշնորհները Հայաստանում” հետազոտության հրատարակումը

2013 թվ-ի փետրվարի 11-ին Անի Պլազա հյուրանոցում տեղի ունեցավ “Մենաշնորհները Հայաստանում” թեմայով գիտաժողով, որը կազմակերպել էր “Հրայր Մարուխյան” հիմնադրամը գերմանական “Ֆրիդրիխ Էբերտ” հիմնադրամի աջակցությամբ: Գիտաժողովի ընթացքում հետազոտողները ներկայացրեցին ՀՀ-ում առկա մենաշնորհային դաշտը, դրանց հիմնախնդիրները, ելնելով միջազգային փորձից` առաջարկեցին մենաշնորհների կարգավորման նոր մոդելներ և մեկնաբանեցին Հայաստանում մրցակցության պաշտպանության քաղաքականության հետևանքները և շուկաների վիճակը: Գիտաժողովին մասնակցեցին համապատասխան վարչությունների, տնտեսական մրցակցության ոլորտը ներգրավող հանձնաժողովների, բարձրագույն ուսումնական հաստատությունների, միջազգային կազմակերպությունների, ինչպես նաև օտարերկրյա դեսպանատների ներկայացուցիչներ:

 

Սեղմե՛ք ստորև ներկայացված հղումները և ծանոթացեք հետազոտություններին:

“Մենաշնորհները Հայաստանում”

“Monopolies in Armenia”

“Մենաշնորհները Հայաստանում” սեղմագիր

 

 

“Ակտիվիզմի ուղեցույց” և “Բնապահպանության քաղաքականության մշակման առաջարկներ” հետազոտությունների հրատարակումը

 

2013 թ.-ին «Հրայր Մարուխյան» հիմնադրամը Քաունթերփարթ ինթերնեշնլ հայաստանյան ներկայացուցչության աջակցությամբ «Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն» դրամաշնորհային ծրագրի շրջանակներում կազմակերպել է 3 կլոր սեղան քննարկումներ, որոնց արդյունքում պատրաստվեցին և նույն թվականի հունվարի 29-ին(3-րդ կլոր սեղանի ժամանակ) Անի Պլազա հյուրանոցում տեղի ունեցավ «Ակտիվիզմի ուղեցույց» և «Բնապահպանության քաղաքականության մշակման առաջարկներ» ուսումնասիրությունների շնորհանդես-քննարկումը: Այս քննարկումներին մասնակցեցին համապատասխան նախարարությունների և վարչությունների ներկայացուցիչներ, ինչպես նաև մի շարք բնապահպանական հասարակական կազմակերպություններ ու բնապահպան ակտիվիստներ:

Հետազոտություններից առաջինը շոշափում է բնապահպանության ոլորտին առնչվող բազմաթիվ հիմնախնդիրներ, իսկ երկրորդը վեր է հանում գործող բնապահպանական օրենսդրության մեջ առկա բացթողումներն ու թերությունները և ուսումնասիրում է ոլորտում առկա հիմնախնդիրներն ու արձանագրված հաջողությունները:

Սեղմե՛ք ստորև ներկայացված հղումները և ծանոթացեք հետազոտություններին:

Ակտիվիզմի ուղեցույց

Բնապահպանության քաղաքականության մշակման առաջարկներ

 

 

<<Հանդես ժողովրդավարության և ընկերվարության>> առաջին մասի հրատարակումը

Հրայր Մարուխյան Հիմնադրամը հպարտությամբ ներկայացնում է <<Հանդես ժողովրդավարության և ընկերվարության>> շարքի առաջին մասը, որն իր մեջ ներառում է երեք հոդվածներ`<<Ժողովրդավարության և ընկերվարության գաղապարների ընկալումը դարերի երկայնքով>>, <<Ժողովրդավարության և ընկերվարության ՀՅԴ տեսլականները>> և <<Ընկերվարական սկզբունքներ. Ազատություն, արդարություն, համերաշխություն>>:

Այս հանդեսի նպատակն է ծառայել որպես կրթական ձեռնարկ քաղաքագիտությամբ զբաղվող ուսանողների, քաղաքագետների, ակադեմիկոսների և բոլոր այն մարդկանց համար, ովքեր հետաքրքրվում են սոցիալ-դեմոկրատիայի հիմնարար արժեքներով:

 

Սեղմե՛ք ստորև ներկայացված հղումը և ծանոթացեք հանդեսի հայերեն  տարբերակին:

Հանդես Ընկերվարության և Ժողովրդավարության

“Տնտեսություն և Սոցիալ-դեմոկրատիա”-ի Թարգմանություն

Հայաստանում սոցիալ-դեմոկրատիայի վերաբերյալ տեղեկատվությունը տարածելու մեր հարատև ջանքերի շնորհիվ ՀՄՀ-ը սկսել է “Տնտեսություն և Սոցիալ-դեմոկրատիա”-ի թարգմանությունը: Անցած տարի մենք մեկնարկեցինք թարգմանությունների այս շարքը առաջին գրքով, որը կոչվում էր “Սոցիալ-դեմոկրատիայի հիմքերը”, որտեղ քննարկվում էին այնպիսի հարցեր, ինչպիսիք են հիմնական արժեքները, նպատակները և սոցիալ-դեմոկրատիայի նշանակությունը: Գրքի հազարավոր օրինակներ տպագրվեցին և ուսումնասիրվեցին ակադեմիկոսների, տնտեսագետների, քաղաքական գործիչների, երիտասարդ խմբերի և ուսանողների կողմից: Այս տարի երկրորդ հրատարակությունը կապահովի ավելի մանրամասն վերլուծություն այն մասին, թե ինչպես կարող են աշխատել տնտեսական համակարգերն ու քաղաքականությունները սոցիալ-դեմոկրատական սկզբունքները պաշտպանելու համար: “Տնտեսություն և Սոցիալ-դեմոկրատիա”-ի թարգմանությունը արդեն իսկ հասանելի կլինի 2012 թ.-ի ապրիլին:

 

 

 

 

 

 

 

 

 

 

 

 

 

 

 

«Սոցիալական բարեփոխումները Հայաստանում» ուսումնասիրության հրատարակումը

Հրայր Մարուխյան Հիմնադրամը` Ֆրիդրիխ Էբերտ Հիմնադրամի աջակցությամբ,  հայերեն եւ անգլերեն լեզուներով հրատարակել է «Սոցիալական բարեփոխումները Հայաստանում» ուսումնասիրությունը` ուղղված երեք կարեւոր ոլորտների` առողջապահության, սոցիալական բնակարանների եւ զբաղվածության հարցերի վերլուծությանը: 

Սեղմե’ք ստորեւ ներկայացված հղումները եւ ծանոթացեք  վերլուծության հայերեն եւ անգլերեն տարբերակներին:
Սոցիալական բարեփոխումները Հայաստանում (անգլերեն)
Սոցիալական բարեփոխումները Հայաստանում (հայերեն) 

«Սոցիալ-դեմոկրատիայի հիմքերը» գրքի թարգմանությունը եւ հրատարակությունը

Գերմանիայում հրատարակված «Սոցիալ-դեմոկրատիայի հիմքերը» գիրքը անդրադառնում է այն հարցին, թե ի՞նչ է իրենից ներկայացնում սոցիալ-դեմոկրատիան 21-րդ դարում, որո՞նք են նրա հիմնական արժեքները, նպատակները, ինչպե՞ս կարելի է դրանք գործնականում կիրառել:

Այս գիրքը կարող է օգտակար լինել բոլոր նրանց, ովքեր ցանկանում են ակտիվ դերակատարություն ունենալ սոցիալ-դեմոկրատիայի ասպարեզում կամ հետաքրքրված են դրանով: «Սոցիալ-դեմոկրատիայի հիմքերը» գրքում դուք կարող եք հանդիպել սոցիալ-դեմոկրատիայի տարբեր մոտեցումների: Ազատություն, արդարություն եւ համերաշխություն` ահա սոցիալ-դեմոկրատիայի հիմնական արժեքները, որոնք որպես մեկնակետ են հանդես գալիս:

Այսօր հասու են գրքի հայերեն տպագիր եւ էլեկտրոնային տարբերակները: