Աշխատանքային իրավունքների պաշտպանության գրասենյակ. անվճար ծառայություններ՝ աշխատանքային իրավունքների գծով

Այսուհետ Երևանի Շենգավիթ վարչական շրջանում՝ Մանանդյան 20 հասցեում, կգործի Աշխատանքային իրավունքների պաշտպանության գրասենյակ: Գրասենյակի ստեղծման նախաձեռնությամբ հանդես է եկել ՀՅԴ «Հրայր Մարուխեան» հիմնադրամը:

Աշխատանքային հիմնական իրավունքների մասին իրազեկում, աշխատանքային վեճերի դեպքում դատական հայցերի պատրաստում, աշխատողների համար փաստաբանական անվճար ծառայություն՝ աշխատանքային վեճերի գծով (չվճարված աշխատավարձ, աշխատանքից անօրինական ազատումներ և այլն), զբաղվածության պետական ծառայության տարածքային կենտրոններ ուղղորդելու միջոցով աշխատանքային և մասնագիտական կողմնորոշման ու այլ հարցերի համար քաղաքացիները կարող են դիմել նորաբաց կենտրոն և անվճար հիմունքներով օգտվել կնետրոնի ծառայություններից:

Այսօր՝ գրասենյակի պաշտոնական բացման արարողության ժամանակ, ՀՅԴ ԳՄ անդամ Արսեն Համբարձումյանը նշեց, որ ներկայիս աշխատաշուկայի լարված պայմաններում աշխատողների աշխատանքային իրավունքների պաշտպանության խնդիրը բավականին սուր է դրված: Ըստ նրա՝ հաճախ են հանդիպում գործատուների կողմից աշխատողների իրավունքների ոտնահարման ամենատարբեր դրսևորումներ: «Շատ հաճախ մարդիկ, չիմանալով, թե ում դիմեն իրենց խնդիրներով, տեղյակ չլինելով իրենց իրավունքների մասին, չեն կարողանում հետամուտ լինել իրենց իրավունքների պաշտպանությանը: Այս գրասենյակի նպատակը հենց դա է՝ գրասենյակն ամենօրյա աշխատանքային ռեժիմով անվճար ծառայություններ է մատուցելու քաղաքացիներին, որպեսզի առաջին հերթին նրանք իրազեկված լինեն իրենց իրավունքների մասին և կարողանան հետամուտ լինել իրենց ոտնահարված իրավունքների վերականգնմանը»,- ասաց Համբարձումյանը:

Նրա խոսքով՝ ամենևին էլ պատահական չէ, որ գրասենյակը Շենգավիթ վարչական շրջանում է. իրենք նկատի են ունեցել, որ այստեղ բավական մեծ է ամենատարբեր հիմնարկություններում աշխատավորների թիվը: «Այսօր աշխատողների իրավունքների պաշտպանության խնդիրն իրոք հրատապ է, հատկապես` արհմիությունների չկայացածության պայմաններում: Մենք նաև այս հարցերով զբաղվող տարբեր ՀԿ-ների հետ համագործակցության եզրեր կգտնենք՝ մեր աշխատանքներն ավելի արդյունավետ տանելու համար, կհամագործակցենք նաև պատկան մարմինների հետ»,- ասաց Համբարձումյանը:

ՀՀ աշխատանքի և սոցիալական հարցերի նախարարի տեղակալ Թադևոս Ավետիսյանը, կարևորելով նման նախաձեռնությունը, նշեց, որ գրասենյակը բացելը ներկա զարգացումներով է պայմանավորված: Ավետիսյանի խոսքով՝ աշխատանքային իրավունքների պաշտպանությունը ոչ միայն պետական որևէ մարմնի գործառույթ է, այլ պետք է հնարավոր ջանքերը ներդնեն նաև բոլոր շահագրգիռ կողմերը, այդ թվում՝ քաղաքացիական հասարակությունը, առանձին անհատներ, ովքեր ունեն նման հնարավորություններ: «Մենք պատրաստ ենք համագործակցել՝ նկատի ունենալով գրասենյակի հիմնական նպատակը, որը հանրության շրջանում իրազեկվածության բարձրացումն է: Իրավագիտակցության և իրազեկվածության մակարդակը դեռևս բավարար չէ մեր երկրում, ինչն ուղղակիորեն կապված է իրավունքների պաշտպանության հետ: Կարևոր է այն հանգամանքը, որ գրասենյակն իր առջև նպատակ է դրել օգնել աշխատողներին` գրագետ բանակցել գործատուների հետ իրենց իրավունքները պաշտպանելու համար: Կարևոր է նաև, որ աշխատողները կարողանան դատական կարգով պաշտպանել սեփական աշխատանքային իրավունքները»,- ասաց փոխնախարարը:

Նրա համոզմամբ՝ աշխատանքի իրավունքի արդյունավետ պաշտպանությունը, հավասարակշռված դրսևորումը ձեռնտու է նաև գործատուներին, քանի որ դա ուղղակիորեն կապված է աշխատողի արտադրողականության հետ: Առանց պաշտպանված իրավունքով աշխատողի, Թադևոսյանի հավաստմամբ, անհնար է պատկերացնել որակյալ աշխատուժ ու աշխատանք, ինչպես նաև կայուն զարգացում:

Ի դեպ, նորաբաց գրասենյակի գործունեությունը կհամակարգի փաստաբան, Փաստաբանների պալատի անդամ Էդգար Կոտոյանը, ում խոսքով՝ գրասենյակի հիմնական գործառույթները կայանալու են աշխատանքային և սոցիալական իրավունքների պաշտպանությունը: Ըստ Կոտոյանի՝ այդ իրավունքների պաշտպանված լինելն իր ազդեցությունն է ունենում հասարակական հարաբերությունների վրա: «ՀՀ օրենսդրությունը՝ որպես աշխատանքային իրավունքների պաշտպանության հիմնական միջոց, դիտարկում է աշխատողի դատական պաշտպանության իրավունքը: Աշխատողները հիմնականում իրազեկված չեն իրենց իրավունքների վերաբերյալ, իսկ այդ պարագայում դատարաններում իրենց իրավունքների պաշտպանության հարցում կարող են խնդիրներ ունենալ: Գրասենյակի առջև խնդիր է դրված նաև աջակցել աշխատողներին իրենց իրավունքները վերականգնելու գործում: Դա կարող է տեղի ունենալ մի քանի փուլով՝ գործատուների հետ բանակցություններ վարելով, դատական կարգով իրավունքները վերականգնելով և այլն»,- ասաց փաստաբանը:
ՀՅԴ Բյուրոյի անդամ Կիրո Մանոյանի խոսքով էլ՝ եթե գրասենյակը հաջողի, կփորձեն նաև մասնաճյուղեր ունենալ մարզերում: Նրա կարծիքով՝ գրասենյակը երկու կարևոր խնդիր է լուծելու՝ աշխատողի իրավունքների մասին իրազեկվածության բարձրացում և այդ իրավունքների պաշտպանություն: «Որպես «Հրայր Մարուխյան» հիմնադրամի գործադիր տնօրեն՝ կարող եմ ասել, որ նման նախաձեռնություններն այս երկու հարցերը լուծելուն են միտված: Նախ պետք է մարդկանց իրազեկման խնդիրը լուծենք, որովհետև երբեմն նաև զարմանալի է՝ ինչքան իրազեկված չէ հասարակությունն իր իրավունքներից, սակայն նույնքան կարևոր է այդ իրավունքների պաշտպանության հարցը»,- ասաց Մանոյանը:

Նա նշեց նաև, որ գրասենյակի վայրն աշխարհագրորեն չի սահմանափակում դիմողներին, այսինքն՝ ցանկացած վայրից կարող են դիմել իրենց:

Ի դեպ, գրասենյակ դիմելու համար անհրաժեշտ է կա’մ այցելել այնտեղ՝ Մանանդյան 20, կա’մ գրել նրանց ֆեյսբուքյան էջին, էլեկտրոնային հասցեին՝ info.aipg@gmail.com, կամ էլ ուղղակի զանգահարել 010-42-67-41, 096-99-66-04

ՀՄՀ-ն հրապարակել է վերլուծությունների շարքի առաջինը

«Հրայր Մարուխեան» հիմնադրամը հրապարակել է ՀՅԴ Բյուրոյի տնտեսական հետազոտությունների գրասենյակի վերլուծությունների շարքի առաջինը՝ «Կարագի գնի բարձրացման պատճառները։ Մենաշնորհների դեմ պայքարի մեխանիզմները»։

Վերլուծությունն առաջին անգամ հանրության ուշադրությանը հանձնվեց 2017թ. դեկտեմբերին։ «ՀՅԴ Բյուրոյի տնտեսական հետազոտությունների գրասենյակի ուսումնասիրությունների համաձայն՝ կարագի գնի բարձրացման վրա ազդել են մի շարք արտաքին և ներքին գործոններ, որոնք բացատրվում են միզազգային միտումներով և մեր տնտեսության մրցակցային իրավիճակի առանձնահատկություններով»:

ՀՅԴ Բյուրոյի տնտեսական հետազոտությունների գրասենյակը եզրակացնում է.

Մեր տնտեսության զարգացման և սոցիալական արդարության հաստատման համար օրակարգային է

  • մենաշնորհների գործունեությունը «խոշորացույցի» տակ պահելը,
  • նոր տնտեսավարող սուբյեկտների պաշտպանելը և խրախուսելը,
  • ժամանակակից հակամենաշնորհային քաղաքականության մշակումը և հասցեական կիրառուը,
  • հանրային վստահության բարձրացումը,
  • ազգային եկամտի արդարացի վերաբաշխելը:

Այսպիսով, ապրանքների գները կարող են օբյեկտիվորեն բարձրանալ, սակայն տնտեսական քաղաքականությունը պետք է նպաստի գների բարձրացման կանխմանը և մեղմացմանը, իսկ սոցիալական քաղաքականությունը պետք է ուղղված լինի նվազագույն կենսաապահովման
պայմանների պահպանմանը և բարելավմանը:

«Հրայր Մարուխեան» հիմնադրամը աջակցում է ՀՅԴ Բյուրոյի տնտեսական հետազոտությունների գրասենյակի վերլուծությունների տարածմանը։

Ներբեռնել վերլուծությունը (PDF)

«Հրայր Մարուխեան» հիմնադրամը ստեղծել է աշխատանքային իրավունքների պաշտպանության գրասենյակ

ՀՅԴ «Հրայր Մարուխեան» հիմնադրամի աջակցությամբ Երևանում ստեղծվել է աշխատանքային իրավունքների պաշտպանության գրասենյակ: Նորաստեղծ գրասենյակը աշխատողներին, աշխատանքը կորցրած և աշխատանք փնտրող անձանց աշխատանքային իրավունքների պաշտպանության նպատակով տրամադրում է անվճար ծառայություններ, այդ թվում՝

ա. աշխատանքային հիմնական իրավունքների մասին իրազեկում,

բ. աշխատողների աշխատանքային վեճերի դեպքում դատական հայցերի պատրաստում,

գ. աշխատողների համար փաստաբանական անվճար ծառայություն՝ աշխատանքային վեճերի գծով (չվճարված աշխատավարձ, աշխատանքից անօրինական ազատումներ և այլն),

դ. Զբաղվածության պետական ծառայության տարածքային կենտրոններ ուղղորդելու միջոցով աշխատանքային և մասնագիտական կողմնորոշում և այլն:

Ծառայություններից օգտվելու համար ցանկացողները կարող են ՝

  • այցելել ք. Երևան, Շենգավիթ վարչական շրջան, Մանանդյան 20,
  • զանգահարել 010-42-67-41, 096-99-66-04,
  • գրել info.aipg@gmail.com էլ. հասցեին կամ ֆեյսբուքյան էջին:
  • Մեկնարկում է քաղաքական դասընթացների «Ազատ լսարան» ծրագրի երկրորդ շրջափուլը

    2018 թ. փետրվարի 6-ին մեկնարկում է «Հրայր Մարուխեան» հիմնադրամի քաղաքական դասընթացների «Ազատ լսարան» ծրագրի երկրորդ շրջափուլը: Ծրագրի նպատակը երիտասարդության քաղաքական գիտելիքների և հմտությունների խորացումն է, և Հայաստանին ու հայությանն առնչվող հիմնախնդիրների ներկայացումը՝ նպաստելով ազգային քաղաքական օրակարգերի ձևավորման գործընթացներում նոր սերնդի ներգրավվմանը, խորացնելով նրա քաղաքական գիտելիքները:

    Եռամսյա անվճար դասընթացն անցկացվում է ազատ լսարանի ձևաչափով՝ թեմատիկ դասախոսությունների ու քննարկումների եղանակով:

    Ծրագրի թեմաներն են՝

    1. ՊԵՏԱԿԱՆԱՇԻՆՈՒԹՅԱՆ ԱՐԴԻ ԽՆԴԻՐՆԵՐՆ ՈՒ ԱՆԵԼԻՔՆԵՐԸ
    2. ՀԱՅԱՍՏԱՆՆ ԱՐԴԻ ԱՇԽԱՐՀՈՒՄ
    3. ՀԱՅ ՔԱՂԱՔԱԿԱՆ ՄԻՏՔԸ ՀԱՅՈՒԹՅԱՆ ԱՊԱԳԱՅԻ ՇՈՒՐՋ, ՀԻՄՆԱՀԱՐՑԵՐ

    Դասախոսները կլինեն ՀՀ-ում, Արցախի Հանրապետությունում և Սփյուռքում հայտնի հասարակական և քաղաքական գործիչներ, գիտնականներ ու փորձագետներ:

    Դասախոսությունները կանցկացվեն շաբաթը երկու օր (երեքշաբթի ու հինգշաբթի օրերին) պարբերականությամբ:

    Դասախոսության տևողությունը 2 ժամ՝ 18:30 – 20:30-ը:

    Դասընթացի ավարտին մասնակիցներին կտրվեն հավաստագրեր:

    Մասնակցության հայտ կարելի է լրացնել առցանց կամ այցելելով Գ. Գյուլբենկյան 38 հասցեում (5-րդ հարկ, 501 սենյակ) գտնվող մեր գրասենյակ։ Հայտ ներկայացնելու վերջնաժամկետը հունվարի 30-ն է։

    Լրացուցիչ տեղեկատվության համար կարող եք այցելել մեր Ֆեյսբուկի էջը,
    կամ զանգահարել +374 99 11 01 97, +374-98-87-27-87 հեռախոսահամարներով:
    Էլ. հասցե՝ lsaran@maroukhianfoundation.org,

    ՀՄՀ քաղաքական դասընթացների «Ազատ լսարան» ծրագրի լրացուցիչ թեմաներ

    «Հրայր Մարուխեան» հիմնադրամի՝ սեպտեմբերի 22-ին մեկնարկած Քաղաքական դասընթացների «Ազատ Լսարան» ծրագրի առաջին փուլը կավարտվի շուտով: Նոյեմբերի 25-ին եւ դեկտեմբերին 2-ին տեղի կունենան լրացուցիչ թեմաների շուրջ դասախոսություններ։

    Նոյեմբերի 25-ի թեման է «Հայ-թուրքական հարաբերություններ — Անցյալ, ներկա, ապագա»։

    Դեկտեմբերի 2-ի թեման է «Արցախյան հիմնահարցը — Նախապատմությունը, շարժումը, ազատամարտը, կարգավորման գործընթացները»։

    Դասախոսությունները կներկայացվեն նշված օրերին, ժամը 11։00-ից ժամը 16։00, «Արամ Մանուկյան» երիտասարդական կենտրոնում, ք. Երեւան, Գյուլբենկյան փ. 28։

    Երկու լրացուցիչ թեմաների մասնակցության համար պետք է լրացնել այս հայտը։ Հայտ ներկայացնելու ժամկետն է նոյեմբերի 22-ը։

    Լրացուցիչ տեղեկատվության համար կարող եք այցելել մեր Ֆեյսբուկի էջը,
    կամ գրել էլ.փոստ՝ lsaran@maroukhianfoundation.org,
    կամ զանգահարել +374 99 11 01 97, +374-98-87-27-87 հեռախոսահամարներով:

    ՀՄՀ քաղաքական դասընթացների «Ազատ լսարան» ծրագրի լրացուցիչ թեմաներ

    «Հրայր Մարուխեան» հիմնադրամի՝ սեպտեմբերի 22-ին մեկնարկած Քաղաքական դասընթացների «Ազատ Լսարան» ծրագրի առաջին փուլը կավարտվի շուտով: Նոյեմբերի 25-ին եւ դեկտեմբերին 2-ին տեղի կունենան լրացուցիչ թեմաների շուրջ դասախոսություններ։

    Նոյեմբերի 25-ի թեման է «Հայ-թուրքական հարաբերություններ — Անցյալ, ներկա, ապագա»։

    Դեկտեմբերի 2-ի թեման է «Արցախյան հիմնահարցը — Նախապատմությունը, շարժումը, ազատամարտը, կարգավորման գործընթացները»։

    Դասախոսությունները կներկայացվեն նշված օրերին, ժամը 11։00-ից ժամը 16։00, «Արամ Մանուկյան» երիտասարդական կենտրոնում, ք. Երեւան, Գյուլբենկյան փ. 28։

    Երկու լրացուցիչ թեմաների մասնակցության համար պետք է լրացնել այս հայտը։ Հայտ ներկայացնելու ժամկետն է նոյեմբերի 22-ը։

    Լրացուցիչ տեղեկատվության համար կարող եք այցելել մեր Ֆեյսբուկի էջը,
    կամ գրել էլ.փոստ՝ lsaran@maroukhianfoundation.org,
    կամ զանգահարել +374 99 11 01 97, +374-98-87-27-87 հեռախոսահամարներով:

    Մեկնարկեց ՀՄՀ֊ի Քաղաքական դասընթացների «Ազատ Լսարան» ծրագրի առաջին փուլը


    Սեպտեմբերի 22-ին հաջողությամբ մեկնարկեց Քաղաքական դասընթացների ՛Ազատ Լսարան՛ ծրագրի առաջին փուլը:

    Բացման խոսքով մասնակիցներին ողջունեց «Հրայր Մարուխեան» հիմնադրամի տնօրենի պաշտոնակատար, ՀՅԴ Բյուրոյի Հայ Դատի գրասենյակի պատասխանատու Կիրո Մանոյանը:

    Այնուհետև աշխարհաքաղաքական տարբեր իրավիճակների ու տարածաշրջանային հարաբերությունների վերաբերյալ դասախոսեց Արգենտինայից ժամանած Բուենոս-Այրեսի Nacional de Lanus համալսարանի պրոֆեսոր Խաչիկ Տեր-Ղուկասյանը:

    ՀՀ ԳԱԱ Արևելագիտության ինստիտուտի տնօրեն, դոկտոր, պրոֆեսոր Ռուբեն Սաֆրաստյանը ներկայացրեց ժամանակակից Թուրքիան և հայ-թուրքական հարաբերությունները:

    Առջևում մեզ սպասում են նույնքան հետաքրքիր և բազմաբովանդակ թեմաներ:

    Մեզ բարի երթ։

    ՀՄՀ-ն մեկնարկում է քաղաքական դասընթացների «Ազատ լսարան» ծրագիր

    2017 թ սեպտեմբերից «Հրայր Մարուխյան» հիմնադրամը Երեւանում իրականացնում է քաղաքական դասընթացների «Ազատ լսարան» քաղաքագիտական ուսումնական ծրագիրը: Ուսումնական ծրագրի նպատակը քաղաքականությամբ հետաքրքրվող երիտասարդության քաղաքական գիտելիքների և հմտությունների խորացումն է, ինչպես նաև Հայաստանի ներքին և արտաքին քաղաքական օրակարգի ներկայացումը:

    Երկամսյա անվճար դասընթացի նպատակն է ազատ լսարանի ձևաչափով մասնակիցներին տրամադրել հիմնավոր գիտելիքներ Հայաստանին և հայությանն առնչվող արդիական քաղաքական խնդիրների մասին՝ նպաստելով ազգային քաղաքական օրակարգերի ձևավորման գործընթացներում նոր սերնդի ներգրավվմանը, խորացնելով երիտասարդության քաղաքական գիտելիքները:
    Ծրագիրն իր մեջ ներառում է՝

    1. Հայաստանի արդիական, քաղաքական խնդիրներին առընչվող դասախոսություններ:
    2. Քննարկումներ բացահայտված խնդիրների վերաբերյալ, լուծումների առաջարկություններ

    Ծրագրի թեմաներն են՝
    1. ՀԱՅԱՍՏԱՆՆ ԱՐԴԻ ԱՇԽԱՐՀՈՒՄ
    2. ՊԵՏԱԿԱՆԱՇԻՆՈՒԹՅԱՆ ԱՐԴԻ ԽՆԴԻՐՆԵՐՆ ՈՒ ԱՆԵԼԻՔՆԵՐԸ
    3. ՀԱՅ ՔԱՂԱՔԱԿԱՆ ՄԻՏՔԸ ՀԱՅՈՒԹՅԱՆ ԱՊԱԳԱՅԻ ՇՈՒՐՋ
    4. ՀԱՅԿԱԿԱՆ ՍՓՅՈՒՌՔԸ. ԱՆՑՅԱԼ, ՆԵՐԿԱ ԵՎ ՀԵՌԱՆԿԱՐՆԵՐ

    Նաև կլինեն լրացուցիչ թեմաներ, որոնք կհայտարարվեն դասընթացների ընթացքում:

    Դասախոսները կլինեն Հայաստանում և Սփյուռքում հայտնի հասարակական և քաղաքական գործիչներ, գիտնականներ և փորձագետներ:

    Դասընթացների մեկ փուլի տևողությունը կլինի ութ շաբաթ։ Դասախոսությունները կլինեն շաբաթական երկու օր պարբերականությամբ:

    Յուրաքանչյուր դասընթացը կտևի 2 ժամ, երեկոյան ժամերի (18:30 – 20:30)

    Դասընթացների ավարտին մասնակիցներին կտրվեն վկայականներ:

    Մասնակցության հայտ լրացնելու համար այցելել այս էջը։ Հայտ ներկայացնելու ժամկետն է սեպտեմբերի 20-ը։

    Լրացուցիչ տեղեկատվության համար կարող եք այցելել մեր Ֆեյսբուկի էջը,
    կամ գրել էլ.փոստ՝ lsaran@maroukhianfoundation.org,
    կամ զանգահարել +374 99 11 01 97, +374-98-87-27-87 հեռախոսահամարներով:

    “Մենաշնորհները Հայաստանում” հետազոտության հրատարակումը

    2013 թվ-ի փետրվարի 11-ին Անի Պլազա հյուրանոցում տեղի ունեցավ “Մենաշնորհները Հայաստանում” թեմայով գիտաժողով, որը կազմակերպել էր “Հրայր Մարուխյան” հիմնադրամը գերմանական “Ֆրիդրիխ Էբերտ” հիմնադրամի աջակցությամբ: Գիտաժողովի ընթացքում հետազոտողները ներկայացրեցին ՀՀ-ում առկա մենաշնորհային դաշտը, դրանց հիմնախնդիրները, ելնելով միջազգային փորձից` առաջարկեցին մենաշնորհների կարգավորման նոր մոդելներ և մեկնաբանեցին Հայաստանում մրցակցության պաշտպանության քաղաքականության հետևանքները և շուկաների վիճակը: Գիտաժողովին մասնակցեցին համապատասխան վարչությունների, տնտեսական մրցակցության ոլորտը ներգրավող հանձնաժողովների, բարձրագույն ուսումնական հաստատությունների, միջազգային կազմակերպությունների, ինչպես նաև օտարերկրյա դեսպանատների ներկայացուցիչներ:

     

    Սեղմե՛ք ստորև ներկայացված հղումները և ծանոթացեք հետազոտություններին:

    “Մենաշնորհները Հայաստանում”

    “Monopolies in Armenia”

    “Մենաշնորհները Հայաստանում” սեղմագիր