Նախկին մասնակիցները

Ծանոթացե՛ք Հրայր Մարուխյան Հիմնադրամի գործնական ուսուցման ծրագրի մասնակիցների հետ …

Սանան Շիրինեան

Առաջին անգամ 2002 թ.-ին Հայաստան գալուց հետո, ես սիրահարվեցի նրան: Չկարողանալով ֆիզիկապես լինել այդտեղ, մտածում էի, թե ինչպես կարելի է ներգրավվել երկրի գործունեությանը հազարավոր կիլոմետրեր հեռվից: Իննը տարուց հետո եւ այդ ընթացքում հինգ անգամ Հայաստան ժամանելուց հետո, ես վերջապես միակողմանի տոմս գնեցի:

Իմ պրակտիկ ուսուցման ծրագիրը Հրայր Մարուխյան Հիմնադրամում հիանալի հնարավորություն է ցանկություններս ու կրթությունս գործնականում կիռարելու առումով: Սկսած Արցախյան պատերազմում մարտնչած կանանց հետ հարցազրույց անցկացնելուց, մինչեւ սոցիալ-դեմոկրատիայի թեմայով խորհրդաժողովների կազմակերպումը, երիտասարդ լիդերների համար սեմինարների ծրագրումը եւ մեր հաջորդ մեծ ծրագրի համատեղ քննարկումը, աշխատանքը Հրայր Մարուխյան Հիմնադրամում իմ կյանքում ամենամեծ ուսուցողական փորձառությունն է: Այստեղ գտնվելու միայն այս երկու ամիսների ընթացքում արդեն զգում եմ, որ ասես նպաստում են Հայաստանի ավելի լուսավոր ապագայի կերտմանը: Ի վերջո ես որոշեցի գալ Հայաստան եւ մասնակցել Հրայր Մարուխյան Հիմնադրամի պրակտիկ ուսուցման ծրագրին, քանի որ ակտիվ մասնակցությունը մեր ազգը ճանաչելու, նրա զարգացման գործում դրական դերակատարություն ունենալու ամենաարդյունավետ միջոցն է:

Լիլիթ Կարապետյան

Կարծում եմ, որ յուրաքանչյուր երիտասարդ, ապրելով իր հայրենիքում, պարտավոր է ակտիվ մասնակցություն ցուցաբերել երկրի քաղաքական, հասարակական եւ սոցիալական կյանքին: Արդեն մեկ տարի է, ինչ աշխատում եմ Հրայր Մարուխյան Հիմնադրամում եւ զգում եմ, որ թեկուզ ինչ-որ փոքր գործով կարողանում եմ օգտակար լինել: Դժբախտաբար այսօր Հայաստանում երիտասարդությունը այդքան էլ տեղեկացված չէ սոցիալ-դեմոկրատիայի արժեքների մասին, տեղեկացված չէ, թե ինչ է իրենից ներկայացնում սոցիալ-դեմոկրատիան, եւ Հրայր Մարուխյան Հիմնադրամը մեկն է այն հիմնադրամներից, որը դասընթացներ եւ հետազոտություններ է պատրաստում տվյալ թեմայի վերաբերյալ:

Աշխատելով այս հիմնադրամում` օգտվում եմ այն փոքրիկ հնարավորությունից, որը տրված է յուրաքանչյուր երիտասարդին` իր առօրյան ավելի ակտիվ եւ արդյունավետ դարձնելու համար:

Ռուբէն Ճանպազեան

Իմ առաջին այցը Հայաստան եղել է 2000 թ.-ին ընտանիքիս հետ: Չնայած այդ ժամանակ բավականին փոքր էի, սակայն այդ ճամբորդությունը իմ վրա անմոռանալի տպավորություն թողեց, որը հետագայում իմ բազմաթիվ այցելությունների պատճառը դարձավ: Նախկինում տարբեր առիթներով վեց անգամ այցելել եմ Հայաստան. սկսած համաժողովներին եւ հանդիպումներին մասնակցելուց, մինչեւ տեսարժան վայրերի այցելություն եւ ուսումնասիրություններ: Չնայած նախկինում մի քանի անգամ այցելել էի Հայաստան եւ երկար տարիներ որպես կամավորական մասնակցել էի Տորոնտոյի Հայ համայնքի աշխատանքներին, սակայն նախկինում երբեւէ հնարավորություն չունեի իմ ժամանակը եւ ջանքերը ուղղել մեր երկրի զարգացմանը: Որպես համեմատաբար երիտասարդ պետություն, Հայաստանի Հանրապետությունը կարող է մեծապես օգտվել Սփյուռքի հայերի ներուժից: Միեւնույն ժամանակ, Սփյուռքի հայերը որպես կամավոր կարող են մեծ եւ կարեւոր փորձառություն ձեռք բերել Հայաստանում: Ստանալով համալսարանական կրթություն, զգացի, որ արդեն ժամանակն է երկար ժամկետով այցելել Հայաստան` հայրենիքիս իմ պարտքը տալու, մի բան, որը կարծում են հայ ծագմամբ յուրաքանչյուր ոգ պարտավոր է անել կյանքում առնվազն մեկ անգամ:

Աշխատանքը Հրայր Մարուխյան Հիմնադրամում հիանալի փորձառություն է ինձ համար: Ես հնարավորություն ունեցա մասնակցելու մի շարք գրավիչ եւ հետաքրքիր ծրագրերի եւ նախաձեռնությունների: Հայաստանը նման ծրագրերի խիստ կարիք ունի, որոնք ուղղված են մեր երկրում առկա բազմաթիվ խնդիրների ուսումնասիրությանը եւ գործնական լուծումներին: Ես կոչ եմ անում ամբողջ աշխարհի հայ երիտասարդներին ներգրավվել մեր երկրում տեղի ունեցող գործընթացներին եւ փորձել ակտիվորեն մասնակցել նրա զարգացմանն ու առաջխազացմանը: